Instituti Kombëtar i Shëndetit Publik në Kosovë (IKSHPK) ka regjistruar të martën 1 person të infektuar dhe 87 persona të shëruar nga koronavirusi.
"Rasti pozitiv është rast kontakti nga: komuna e Mitrovicës 1 rast (sipas vendbanimit: 1 rast Rekë)", është thënë në njoftim.
Përgjatë 24 orëve të fundit, ky Institut ka thënë se janë kryer 220 teste për këtë virus.
Marrë parasysh të dhënat e fundit, deri më tani në Kosovë janë regjistruar 856 persona të infektuar, 490 të shëruar dhe 26 të vdekur si pasojë e sëmundjes Covid-19, që shkakton koronavirusi.
Për më shumë lajme rreth koronavirusit përcilleni blogun e Radios Evropa e Lirë.
