Ndërlidhjet

Samiti BE-Ballkani Perëndimor, nën hijen e koronavirusit


Bruksel

Udhëheqësit e Bashkimit Evropian dhe të gjashtë vendeve të Ballkanit Perëndimor, që synojnë anëtarësimin në BE, takohen sot në një samit online, i cili ka rënë nën hijen e pandemisë së koronavirusit.

Fillimisht ka qenë e paraparë që samiti BE-Ballkani Perëndimor, i pari në dy vjet, t’i përafrojë më tej gjashtë vendet me Evropën, përmes stimujve ekonomikë dhe reformave.

Por, takimi tani pritet t'i shmangë bisedimet për anëtarësim në BE dhe të përqendrohet në ndikimin socio-ekonomik të pandemisë së koronavirusit, e cila ka vrarë afro 140,000 njerëz në Evropë.

“Në luftën kundër COVID-19 [sëmundjes që e shkakton koronavirusi], Bashkimi Evropian dhe Ballkani Perëndimor janë të bashkuar”, tha BE-ja.

Deklarata u lëshua përpara takimit të përfaqësuesve evropianë me përfaqësuesit e Shqipërisë, Bosnjës, Kosovës, Malit të Zi, Maqedonisë së Veriut dhe Serbisë.

Samiti është dashur të mbahet në Zagreb të Kroacisë, por do të mbahet online, për shkak të pandemisë.

Lexoni edhe këtë:

XS
SM
MD
LG