Ndërlidhjet

Novak Gjokoviq dhe gruaja e tij shërohen nga koronavirusi


Novak Gjokoviq.
Novak Gjokoviq.

Tenisti serb, Novak Gjokoviq dhe gruaja e tij Jelena kanë rezultuar negativë në testet për koronavirus, ka njoftuar ekipi i tij për komunikim me media më 2 korrik, 10 ditë pasi është bërë e ditur se çifti ka rënë në kontakt me sëmundjen Covid-19, që shkakton ky virus.

Gjokoviq ka dalë pozitiv në këtë virus pasi ka marrë pjesë në një turne që kishte organizuar ai në Serbi dhe Kroaci, në kohën e pandemisë.

Në ndeshjet e zhvilluara në Beograd dhe Zadar nuk është mbajtur distancë fizike.

“Novak Gjokoviq dhe gruaja e tij Jelena kanë dalë negativë për Covid-19. Kjo është kuptuar në rezultatet e testeve që ata kanë kryer në Beograd”, ka thënë ekipi i tij.

Të dy, si Gjokoviq, ashtu edhe gruaja e tij nuk janë përballur me simptoma të sëmundjes dhe kanë qëndruar në vetizolim në Beograd, prej kur kanë kuptuar se janë infektuar.

Gjokoviq ka qenë lojëtari i katërt që është infektuar pas pjesëmrrjes në lojërat në Beograd dhe Zadar.

Në mesin e të infektuarve kanë qene edhe: Grigor Dimitrov, Borna Qoriq, dhe Viktor Troicki.

Trajneri i Gjokoviqit, Goran Ivaniseviq, është infektuar po ashtu me koronavirus.

Gjokoviq është kritikuar për organizim të turnut pa marrë të gjitha masat mbrojtëse por edhe për pjesëmarrjen në ndjenja gjatë natës.

XS
SM
MD
LG