Ndërlidhjet

Kosovë: 316 pacientë me koronavirus, të shtrirë në spitale


Klinika Infektive në Prishtinë

Shërbimi Spitalor dhe Klinik Universitar i Kosovës (SHSKUK) bëri të ditur se 316 pacientë të prekur me COVID-19, sëmundjen që e shkakton koronavirusi, janë të shtrirë në klinikat e Qendrës Klinike Universitare të Kosovës dhe në spitalet e përgjithshme.

Në njoftimin e SHSKUK-së bëhet e ditur se 20 pacientë janë vënë në respiratorë dhe 23 në makinat për frymëmarrje, që njihen si CPAP.

Instituti Kombëtar i Shëndetësisë Publike të Kosovës njoftoi të premten se në 24 orët e fundit ka regjistruar edhe 213 raste me koronavirus dhe gjashtë viktima.

Në Kosovë, prejse janë shfaqur rastet e para më 13 mars, autoritetet kanë konfirmuar gjithsej 6,680 raste pozitive me koronavirus.

Prej tyre, 164 pacientë kanë vdekur, ndërsa 3,614 janë shëruar.

XS
SM
MD
LG