Ndërlidhjet

Katër viktima dhe 157 raste të reja me koronavirus në Kosovë


Klinika Infektive në Prishtinë

Në Kosovë u konfirmuan të mërkurën edhe 157 raste të reja me koronavirus dhe katër viktima nga sëmundja që e shkakton ai, COVID-19.

Shifrat u bënë të ditura nga drejtori i Institutit Kombëtar të Shëndetësisë Publike të Kosovës, Naser Ramadani, i cili foli në një konferencë për gazetarët në Malishevë.

Ramadani tha se rastet e reja rezultojnë nga testimi i 511 mostrave.

Ai po ashtu tha se në 24 orët e fundit janë shëruar edhe 154 pacientë.

Me këto shifra, numri i përgjithshëm i të prekurve me koronavirus në Kosovë arrin në 12,840.

Prej tyre, gjithsej 492 pacientë kanë humbur jetën dhe 8,942 janë shëruar.

Aktive vazhdojnë të mbeten edhe 3,406 raste.

XS
SM
MD
LG