Ndërlidhjet

Mijëra armenë në Los Anxhelos protestojnë kundër Azerbajxhanit


Pasojat e luftimeve mes Armenisë dhe Azerbajxhanit për rajonin e Naforno Karabakut.

Mijëra njerëz protestuan në Los Anxhelos të SHBA-së për të mbështetur Armeninë në konfliktin e saj të vazhdueshëm me Azerbajxhanin për rajonin separatist të Nagorno Karabakut.

Marshi i 11 tetorit në Los Anxhelos mblodhi të paktën 20.000 mbështetës pro-Armenisë.

Në një moment ata u mblodhën para Konsullatës Turke në Beverly Hills për të dënuar mbështetjen e Turqisë për Azerbajxhanin.

Protesta ishte kryesisht paqësore.

Katedralja në Nagorno-Karabak dëmtohet nga sulmet
Ju lutem të prisni

No media source currently available

0:00 0:02:28 0:00

Kalifornia Jugore është vendi me popullsinë më të madhe armene në Shtetet e Bashkuara dhe një lagje e Hollywood-it lindor u emërua si Armenia e Vogël në vitin 2000.

Kryebashkiaku i Los Anxhelosit, Eric Garcetti, shkroi në rrjetin social, Twitter, se mbështet protestuesit, duke bashkangjitur një letër, që i është dërguar Sekretarit amerikan të Shtetit, Mike Pompeo, nga një grup i kryetarëve të qyteteve dhe ligjvënësve të Kongresit, të cilët kërkojnë që Shtetet e Bashkuara të ndihmojnë në uljen e tensioneve.

"Si përfaqësues krenarë të komuniteteve armene amerikane në të gjithë vendin tonë, ne ndajmë shqetësimet e tyre të thella rreth dhunës që po i bëhet Artsakhut, numrit në rritje të viktimave civile dhe përfshirjes së aktorëve rajonalë si Turqia dhe Irani", thuhet në letër.

Armenët i referohen Nago-Karabakut si Artsakh.

Konsulli i Përgjithshëm i Azerbajxhanit në Shtetet e Bashkuara perëndimore, Nasimi Aghayev, kritikoi kryetarin e bashkisë së Los Anxhelosit për injorimin e viktimave civile në qytetet e Azerbajxhanit.

“A duhet që politika të jetë gjithmonë në lidhje me paratë dhe votat?", shkroi ai, duke shtuar një video që tregon dëmet dhe viktimat e shkaktuara nga sulmet armene në Ganca, qyteti i dytë më i madh i Azerbajxhanit.

Protesta ndodhi derisa Armenia dhe Azerbajxhani kanë bërë akuza të ndërsjella për shkelje të një armëpushimi, edhe ashtu të brishtë.

Qindra ushtarë dhe një numër i panjohur civilësh janë vrarë nga të dyja palët, që kur luftimet shpërthyen më 27 shtator. Ky është përshkallëzimi më i keq i konfliktit që nga armëpushimi i paqëndrueshëm i vitit 1994.

Dhuna ka rritur shqetësimin se një konflikt më i gjerë mund të tërheqë fuqinë rajonale Turqinë, e cila është aleati më i afërt i Azerbajxhanit dhe Rusinë, e cila ka një pakt mbrojtje me Armeninë.

Nagorno Karabaku njihet ndërkombëtarisht si pjesë e Azerbajxhanit. Por, rajoni ka qenë nën kontrollin e forcave armene etnike të mbështetura nga Jerevani që kur një armëpushim i vitit 1994 i dha fund luftës separatiste.

Që nga ajo kohë, Nagorno Karabaku ka qenë i populluar dhe qeverisur nga armenët etnikë, duke lënë qindra mijëra azerbajxhanas si refugjatë të luftës në Baku dhe pjesë të tjera të Azerbajxhanit, për më shumë se një çerek shekulli.

XS
SM
MD
LG