Ndërlidhjet

Papa kërkon që të rriten përpjekjet për arritjen e paqes në Siri


Papa Françesku.

Papa Françesku e ka cilësuar luftën civile në Siri si një prej krizave më të këqija humanitare në ditët e sotme, duke thënë se 10-vjetori i kësaj lufte duhet të shtyjë të gjithë që të kërkojnë “shpresë” për këtë shtet të shkatërruar. Ai bëri thirrje që të rriten përpjekjet për përfundimin e luftimeve.

Protestat pro-demokracisë së marsit të vitit 2011, shpejt u kthyen në konflikt të brendshëm, ku u përfshin edhe fuqitë botërore. Në këtë konflikt, janë vrarë qindra-mijëra persona dhe miliona të tjerë janë zhvendosur.

“Sërish u bëj thirrje të gjitha palëve të përfshira në konflikt që të tregojnë vullnet të mirë në mënyrë që të ketë një copëz shprese për popullsinë e lodhur”, tha Papa.

Ati i Shenjtë tha se Siria ka parë “çdo lloj të dhunës dhe vuajtje nga popullata, veçanërisht nga shtresa më e ndjeshme siç janë fëmijët, gratë dhe të moshuarit”.

Ai bëri thirrje për angazhim nga bashkësia ndërkombëtare, që të ndihmohet në dhënien fund të luftimeve dhe të niset me rindërtimin dhe rimëkëmbjen ekonomike të Sirisë.

XS
SM
MD
LG