Ndërlidhjet

IKSHPK: Pesë raste të reja me COVID-19


Brenda Klinikës së Sëmundjeve Infektive në Prishtinë ku po trajtohen pacientët me COVID-19. Foto nga arkivi.

Instituti Kombëtar i Shëndetësisë Publike në Kosovë (IKSHPK) ka njoftuar të hënën (14 qershor) se janë regjistruar edhe pesë raste të reja me koronavirusin e ri, që e shkakton sëmundjen COVID-19.

Shifra bazohet në 1.977 mostra të testuara në laboratorët publikë dhe privatë.

Gjatë 24 orëve të fundit, nuk është shënuar asnjë rast i vdekjes.

Nga sëmundja COVID-19 janë shëruar edhe 94 pacientë ndërsa raste aktive janë 345.

Deri të hënën, sipas IKSHPK-së, janë dhënë 99.394 doza të vaksinës kundër koronavirusit, ndërsa 9.640 qytetarë tashmë janë vaksinuar me dozën e dytë.

Ministri i Shëndetësisë, Arben Vitia, ka paralajmëruar se këtë javë do të fillojë vaksinimi në masë.

Kosova ka nisur fushatën e vaksinimit kundër koronavirusit në fund të muajit mars.

XS
SM
MD
LG