Vazhdojnë hetimet për rastin “Brezovica”

Prokuroria Themelore në Ferizaj ka njofuar se ka filluar një aksion në disa qytete të Kosovës, në kuadër të hetimeve lidhur me rastin “Brezovica”.

“Gjatë këtij aksioni, janë kontrolluar dhe bastisur disa autosallone, shtëpi dhe lokale përcjellëse në lokacione të ndryshme”, thuhet në një komunikatë për media nga kjo prokurori.

Aksioni është zhvilluar në qytetin e Prishtinës, Ferizajit, Vushtrrisë dhe Lipjanit, për shkak të dyshimit të veprave penale “Fajdeja”, “Shmangia nga tatimi” dhe “Detyrimi”.

Aksionet për rastin “Brezovica”, kanë nisur qysh në fund të vitit të 2021.

SHIKONI EDHE:

Si u shndërrua Brezovica në skemë korrupsioni 

Deri më tash janë hetuar mbi 100 persona, përfshirë zyrtarë të Ministrisë se Mjedisit dhe Planifikimit Hapësinor, zyrtarë komunalë dhe pronarë të kompanive private.

Në hetim për këtë rast aktualisht janë edhe 40 persona.

Kompleksi turistik “Brezovica” që gjendet në Komunën e Shtërpcës, dhe konsiderohet një prej qendrave më të mëdha të turizmit dimëror në Kosovë.

• Shkelqim Hysenaj

Prokurori i rastit “Brezovica”, Rasim Maloku, thotë në një intervistë për REL-in se, deri më tani, institucionet e drejtësisë në Kosovë kanë konfiskuar më shumë se 70 objekte të ndërtuara jashtëligjshëm në Brezovicë. Sipas tij, dhjetëra persona po hetohen për veprime të dyshuara kriminale në këtë rast.

Sipas prokurorisë, nga viti 2013 deri në vitin 2022, në këtë qendër janë ndërtuar më shumë se 100 objekte në mënyrë të jashtëligjshme.

Për ndërtimin e tyre, prokuroria ka thënë se janë dhënë më shumë se 2 milionë euro ryshfet.