Në Gjykatën Themelore në Prishtinë u mbajt seanca fillestare në rastin Banjska, për të cilin Millan Radoiçiq dhe 44 të tjerë akuzohen për vepra terroriste dhe vepra kundër rendit kushtetues dhe sigurisë së Kosovës. Seanca u shty me kërkesë të avokatëve mbrojtës të të tre pjesëtarëve të grupit të armatosur që u arrestuan gjatë sulmit në Banjskë të Zveçanit. Derisa u konstatua se gjykimi ndaj tre të arrestuarve mund të vazhdojë, një opinion nëse të tjerët mund të gjykohen në mungesë do ta japë Gjykata Supreme.