Në Gjykatën Themelore në Prishtinë ka nisur shqyrtimi kryesor në rastin “Banjska”. Tre të akuzuarit, që u arrestuan pas sulmit të armatosur më 24 shtator 2023, mohuan akuzat dhe pretenduan se nuk e kishin qëllim vrasjen e askujt, e aq më pak bashkimin e veriut të Kosovës me Serbinë, ashtu siç thotë aktakuza. Avokati i familjes së Afrim Bunjakut kërkoi burgim të përjetshëm për tre të akuzuarit.