Mijëra njerëz marshuan nëpër sheshet e Prishtinës, në mbështetje të katër ish-krerëve të Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi, të cilët akuzohen për krime lufte dhe krime kundër njerëzimit në periudhën 1998-1999. Më 16 shtator, Gjykata Speciale e Kosovës, me seli në Hagë, pritet të shpallë aktgjykimin ndaj tyre, ndërsa protestues në kryeqytetin kosovar shprehën bindjen se katër ish-eprorët e UÇK-së do të shpallen të pafajshëm.