Autoritetet kosovare janë kthyer në Serbi në kërkim të mbetjeve mortore të personave të zhdukur gjatë luftës së viteve 1998-99, ndërsa po kërkojnë qasje edhe në lokacione të tjera ku dyshohet për varreza masive. Kushtrim Gara nga Komisioni Qeveritar për Persona të Zhdukur i Kosovës thotë se në Serbi mund të ketë të paktën 11 varreza masive të tjera që ende nuk janë konfirmuar.