Bullgaria vendosi që deri në fund të vitit të tërheqë 37 ambasadorë dhe diplomatë të rangut të lartë, të cilët në kohën e komunizmit kanë bashkëpunuar me shërbimet sekrete, njoftoi ministria e jashtme në Sofje.
"Të gjithë 37 diplomatët e lartë që kanë qenë agjentë apo kanë bashkëpunuar me shërbimet sekrete komuniste do të tërhiqen deri në fund të vitit", deklaroi zëdhënësja e ministrisë, Vesela Çerneva.
Gjithsejt 13 ambasadorë, përfshirë ata në Berlin, Athinë, Pekin dhe Stokholm, si dhe në OKB dhe UNESCO do të kthehen në Bullgari në 1 maj.