Gjatë një sulmi preciz, trupat e udhëhequra nga NATO-ja në Afganistan kanë vrarë sot një "lider të nivelit të lartë taliban", ka njoftuar zëdhënësi Tom Collins. Ai tha se sulmi afër qytetit Musa Kala ishte udhëhequr në koordinim të plotë me qeverinë e Afganistanit. Banorët thonë se sulmi ajror kishte pasur për cak veturën e komandantit taliban, Mullah Ghafour. Kryengritësit talibanë e morën qytetin Musa Kala të enjten.
