Zëvendëskomisari i policisë së Kombeve të Bashkuara për krime, Trygve Kalleberg, përkohësisht është emëruar në krye të policisë së UNMIK-ut. Në një komunikatë për shtyp thuhet se ky emërim do të jetë në fuqi deri në emërimin zyrtar të Komisarit të policisë së UNMIK-ut nga Sekretari i Përgjithshëm në bazë të procedurave të zakonshme, të cilat pritet të zgjasin disa muaj. Kalleberg do të zëvendësojë ish komisarin Stephen Curtis, nga i cili shefi i administratës ndërkombëtare, Joachim Ruecker, ka kërkuar dorëheqjen pas ngjarjeve të dhunshme të 10 shkurtit.
