Sekretari amerikan i Mbrojtjes Robert Gates tha se propozimet e Kongresit për kufizimin e operacioneve ushtarake amerikane në Irak mund të hapin një faqe të re të gjakderdhjes etnike atje. Gates tha se kufizimi i buxhetit për vetëm disa misione të trajnimit mund të bëjë që të tërhiqen trupat nga rrethina e Bagdadit, e cila ishte në fokus të operacioneve të fundit ushtarake në Irak.
