MOSKË

Policia ruse ka arrestuar udhëheqësin e opozitës dhe ish kampionin botëror të shahut, Geri Kasparov, njofton korrespondenti i radios "Evropa e Lirë", në vendin e ngjarjes. Kasparov së bashku me udhëheqësin tjetër të opozitës, ish kryeministrin Mihail Kasijanov do drejtonin mbështetësit e tyre në një marshim në rrugët e Moskës, në shenjë kundërshtimi ndaj ngulfatjes së demokracisë nga presidenti Putin.
Policia nuk kishte dhënë leje për mbajtjen e protestës.