Ndërlidhjet

PRISHTINË


Delegacioni i Këshillit të Sigurimit sot e përfundoi qëndrimin dy-ditësh në Kosovë.
"Shpresojmë që pas kësaj vizite, qëndrimet e anëtarëve të Këshillit të Sigurimit do të përafrohen", tha në fund të vizitës, kryesuesi i misionit fakt-mbledhës të KS, ambasadori belg, Johan Verbeke.
"Ne do të punojmë në Këshillin e Sigurimit, do ta përpunojmë materialin dhe informacionet që kemi marrë, por nuk do të ngutemi në marrjen e vendimit", tha Verbeke, duke mos saktësuar ndonjë afat se kur do të jetë i gatshëm raporti.
Ambasadori i Belgjikës i bëri këto komente në një konferencë shtypi në aeroportin e Prishtinës, prej nga delegacioni udhëtoi në Vjenë ku sot pasdite do të takohet me kryenegociatorin Martti Ahtisaari.
Sot delegacioni i Këshillit të Sigurimit qëndroi në Krushë të Vogël dhe Rahovec, ndërsa dje u takua me drejtues të institucioneve dhe të politikës, si dhe me përfaqësues të pakicave në Kosovë.
XS
SM
MD
LG