PRISHTINË

Kryeministri i Kosovës, Agim Çeku, në fjalimin e tij të përjavshëm, ka thënë se është lënë i hapur opsioni për të rishqyrtuar qëndrimin e Ekipit të Unitetit që zgjedhjet komunale dhe ato parlamentare që zhvillohen javën e tretë të nëntorit. Zoti Çeku ka thënë se ekziston një hierarki prioritetesh, ku absolutisht më i rëndësishmi mbetet statusi i Kosovës. Megjithatë, ai ka nënvizuar se argumentet për mbajtjen e zgjedhjeve janë të shumta dhe mbi të gjitha është ai demokratik. Në këtë fjalim, kryeministri i Kosovës e ka përsëritur qëndrimin se ai personalisht nuk do të garojë në zgjedhjet që do të zhvillohen para përmbylljes së statusit politik.