Përfaqësuesi i Bashkimit Evropian në treshen ndërmjetësuese për statusin e Kosovës, Wolfgang Ischinger nesër dhe pasnesër në Beograd takohet me zyrtarët e Serbisë. Pritet që të bisedohet për zhvillimin e mëtejshëm të negociatave të ndërmjetësuara ndërkombëtarisht ndërmjet Kosovës e Serbisë. Mëtutje raportohet se zoti Ischinger më 7 dhe 8 të këtij muaji në takimin në Vijana Du Kastelo në Portugali do ti informoj ministrat e jashtëm të vendeve anëtare të Bashkimit Evropian për rrjedhën e negociatave shtesë për statusin e Kosovës. Sipas burimeve diplomatike evropiane, në këtë samit të ministrave të jashtëm pritet që të diskutohet se kah duhet të shkoj procesi dhe çfarë mund të jetë finalja për zgjidhjen e statusit të Kosovës.
