Ambasadori amerikan në Serbi, Cameron Munter tha sot se Shtetet e Bashkuara fuqishëm i mbështesin përpjekjet e treshes ndërkombëtare, që t'i afroj qëndrimet e delegacioneve të Kosovës dhe të Serbisë, në gjetjen e zgjidhjes së përbashkët për statusin e Kosovës. Mëtutje ai shtoi se nëse negociatat nuk do të jenë të suksesshme, atëherë Shtetet e Bashkuara konsiderojnë se mënyra më e mirë është që të pranohet pavarësia e mbikëqyrur për Kosovën. Këto komente ambasadori Cameron Munter i bëri gjatë një fjalimi në Odën ekonomike amerikane në Serbi.
