Presidenti i Shteteve të Bashkuara, George Bush i ka dënuar sulmet e kryengritësve kurdë, që lanë të vrarë të paktën 12 ushtarë turq. "Presidenti Bush i dënon fuqishëm sulmet e dhunshme në provincën Hakkari dhe u shpreh ngushëllime familjeve, që i humbën më të dashurit e tyre, si dhe gjithë popullit të Turqisë", tha zëdhënësi i Këshillit Kombëtar të Sigurisë, Gordon Johndroe. Bush ka thënë se "këto sulme janë të papranueshme dhe duhet të ndërpriten menjëherë".
