Ministri i Jashtëm i Suedisë, Karl Bild, ka deklaruar se Serbia ka nevojë që të shtyhet përpara drejt gjetjes së një lloji të konsensusit për Kosovën. “Ne duhet të kërkojmë një zgjidhje për Kosovën, e cila do të jetë e pranueshme për të dyja palët. Asnjëherë nuk do të mund t'i zgjidhni problemet në Ballkan në mënyrë unilaterale. Aty gjithnjë ka pasur një lloj konsensusi. Andaj, as Kosova nuk është përjashtim”, ka thënë Bild, pas takimit me ministren e Jashtme greke, Bakojanis.
