Tre indonezianët të dënuar me vdekje, për shkak të sulmeve me bomba në Bali në vitin 2002, që lanë të vdekur më shumë se 200 njerëz, kanë deklaruar për agjencinë “Reuters”, se janë të gatshëm për të vdekur, por që edhe sot u vjen keq që gjatë sulmeve pësuan myslimanët. Tre militantët, Imam Samudra, Muklas dhe Ambrozi, ndodhen në burgun më të fortifikuar në ishullin Java. Sot, në prag të ekzekutimit, atyre u është lejuar që të përshëndeten me anëtarët e ngushtë të familjes.
