HERAT

Policia afgane tha se më shumë se 50 militantë talebanë janë vrarë në përleshjet e ashpra me forcat në provincën Farah. Operacioni i përbashkët i trupave afgane dhe trupave të NATO-s ka hyrë në ditën e tretë. Më herët u raportua se janë vrarë 40 talebanë.
Ndërkohë, zëdhënësi i forcave të koalicionit tha se forcat amerikane dhe afgane, janë përleshur mbrëmë me militantët në provincën Nangarhar. Njoftohet se tre njerëz e kanë humbur jetën, përfshirë dy fëmijë.