VJENË

Bordi i drejtorëve të Agjencisë Ndërkombëtare për Energji Bërthamore sot e fillon takimin dy ditësh, ku do diskutojë raportin e drejtorit, Mohamed ElBaradei rreth programit bërthamor të Iranit. Raporti thotë se Irani ka bërë hapa të rëndësishëm për të qartësuar programin bërthamor, por tërheq vërejtjen se Irani ka zgjëruar pasurimin e uraniumit, përkundër kërkesave të Kombeve të Bashkuara që t'i pezullojë veprimet e tilla.
Përfaqësuesi amerikan, Gregory Schulte, tha se pret që agjencia t'i mbështesë kërkesat e Këshillit të Sigurimit.