Kryeministri i Gjeorgjisë i ka kërkuar mbështetje Perëndimit nëse Kosova shpall pavarësinë. Lado Gurganidze i tha "Financial Times" se nëse vendet Perëndimore do të njohin pavarësinë e Kosovës, atëherë Rusia mund të njohë krahinat separatiste të Abkhazisë dhe Osetisë Jugore. "Shpresojmë që miqtë dhe aleatët tanë në Perëndim do të marrin qëndrim të palëkundur për të mos zbatuar rastin e Kosovës në Gjeorgji", tha Gurganidze, për të shtuar se "Kosova është rast sui-generis".
