BEOGRAD

Ministri për Kosovën në qeverinë serbe, Sllobodan Samarxhiq deklaroi sot se Serbia është kundër ardhjes së misionit të Bashkimit Evropian në Kosovë, sepse kjo do të thoshte "fillim i zbatimit të planit të Ahtisaarit". "Do të ishte shumë keq që Bashkimi Evropian të injorojë qëndrimin e Serbisë dhe të marrë vendim kundërligjor për dërgimin e misionit të BE-së për zbatimin e planit të refuzuar të Ahtisaarit, sepse një vendim i tillë do të shkaktonte probleme në marrëdhëniet e Serbisë dhe BE-së", tha Samarxhiq.