TIRANË

Kryeministri Sali Berisha tha se Shqipëria është e gatshme t'i hapë të gjithë kufijtë me Kosovën, nëse Serbia vendos bllokadë tregtare kur Kosova të shpallë pavarësinë. "Kjo nuk mund të përjashtohet pas shpalljes së pavarësisë. Serbia merr vendime, të cilat mund t'u shkaktojnë vështirësi ekonomike qytetarëve të Kosovës", i tha Berisha agjencisë AFP.
"Qeveria në Tiranë do t'i angazhojë edhe të gjitha kapacitetet, në mënyrë që Kosova të përfitojë nga insfrastruktura shqiptare dhe të ketë qasje në portet e Shqipërisë", ka thënë Berisha.