PRISHTINË

Administrata e Kombeve të Bashkuara në Kosovë njoftoi sot se zëvendës shefi i kësaj administrate, Steven Schook është larguar nga Kosova, pasi Kombet e Bashkuara nuk e vazhduan kontratën e tij. "Selia e Kombeve të Bashkuara vendosi që të mos e vazhdojë kontratën e zotit Schook", tha sot në Prishtinë, zëdhënësi i UNMIK-ut, Aleksander Ivanko. Sipas tij "zoti Schook aktualisht është në Nju Jork për konsultime" dhe se "UNMIK-u nuk është informuar zyrtarisht për shkaqet e mos ripërteritjes së kontratës së tij".