VARSHAVË

Kryeministri Donald Tusk tha se Polonia nuk ka për qëllim që ta kërcënojë Rusinë duke pranuar ndërtimin e një pjese të mbrojtjes raketore të Shteteve të Bashkuara. Në një intervistë për mediat ruse, para vizitës së tij në Moskë këtë të premte, Tusk tha po ashtu se Polonia nuk ka plane për bazën ushtarake të NATO-s dhe përsëriti qëllimet e tij për përmirësimin e raporteve të tensionuara ndërmjet Polonisë e Rusisë.