Monopoli shtetëror rus, Gazprom, ka filluar ta zvogëlojë presionin në gazsjellësin që e furnizon Ukrainën. Zëdhënësi i Gazpromit, Sergei Kupriyanov, u ka thënë agjencive të lajmeve, se "kanë qenë të detyruar ta fillojnë zvogëlimin e shtypjes". Ai ka sqaruar se ky veprim nuk e ka prekur eksportin e gazit rus, përmes Ukrainës, në Evropën Perëndimore. "Eksporti do të realizohet plotësisht", ka thënë ai, derisa nga Ukraina, deri më tani nuk ka pasur komente.
