Kryetari i Komisionit Evropian, Hoze Manuel Barroso, do të zhvillojë këtë javë një turne në vendet e Ballkanit Perëndimor, në kuadër të të cilit do të qëndrojë edhe në Kosovë. Barroso dhe komisioneri për Zgjerim, Oli Rehn, nga 15 deri më 18 shkurt do ta vizitojnë Prishtinën, Beogradin, Shkupin, Tiranën dhe Zagrebin. Zyrtarë në Bruksel thanë se Barroso dhe Rehn do t'i inkurajojnë qeveritë e rajonit për t'i shtuar përpjekjet për reforma ekonomike dhe politike me qëllim të shpejtimit të "progresit në rrugën e integrimit evropian".
