HAGE

Serbia garanton Gjykatën Ndërkombëtare të Hagës se do të dorëzojë deri në fund të muajit ish gjeneralin e serbëve të Bosnjës të akuzuar për krime lufte, Ratko Mlladiç. Lajmin e bëri të ditur zëdhënësi i kryeprokurores Carla Del Ponte, Anton Nikorof.
"Takimi na garantoi bashkëpunim me autoritetet e Beogradit dhe si rezultat ne morëm garanci të qartë nga kryeministri Koshtunica, për dorëzimin e Ratko Malldiç rreth fundit të muajit prill", deklaroi për gazetarët Nikorof, duke iu referuar për këtë, një takimi të zhvilluar javën e kaluar mes kryeprokurores Del Ponte dhe kryeministrit të Serbisë Koshtunica.