Përgatitjet e ekipit brazilian për kampionatin botëror në futboll tërheqin vëmendjen e opinionit në mbarë botën. Përfaqësuesit e Brazilit janë duke u stërvitur në qytezën Vegis të Zvicrës. Stërvitjet e tyre pritet t’i përcjellin rreth 5000 njerëz çdo ditë. Në qytezën me 4 mijë banorë janë vendosur edhe 800 gazetarë që përcjellin çdo lëvizje të futbollistëve brazilianë.
