Izraeli ka kundërshtuar kërkesat e militantëve palestinez për lirimin e 1 mijë të burgosurve dhe ndaljen e sulmeve në Gaza. Zëdhënësi i Ministrisë së Jashtme, Mark Regev ka thënë se nuk do të ketë marrëveshje. Ai ka thënë se derisa të lirohet ushtari i kidnapuar, Izraeli do të vazhdojë sulmet. Ndihmësja e sekretarit të përgjithshëm të Kombeve të Bashkuara Angela Kane ka thënë se shkallëzimi i konfliktit izraelito-palestinez mund të ketë pasoja serioze në rajon.
