Policia e Malit të Zi ka njoftuar mbrëmë se ka arrestuar disa shqiptarë në Tuz dhe në Malësi, të dyshuar për terrorizëm dhe krim të organizuar. Sipas disa burimeve, numri i të arrestuarve është ndërmjet 14 e 20. Policia nuk ka bërë të ditur se çfarë aksioni të dyshuar ky grup ka planifikuar, por ka thënë se grupi "paraqiste rrezik për popullin e Malit të Zi". Policia ka bërë të ditur se arrestimet ishin bërë në koordinim me autoritetet e Shqipërisë.
