Avokati serb vendos lule në varrin e Blerina Jasharit në Prekaz

Avokati serb, Çedomir Stojkoviq, vendosi lule mbi varrin e Blerina Jasharit, në kompleksin memorial “Adem Jashari” në Prekaz. Stojkoviq, që është avokat i politikanit opozitar serb, Nikolla Sandulloviq, i arrestuar në Serbi pasi e bëri të njëjtën gjë ditë më parë, tha se me vizitën në Prekaz sfidon shtetin e Serbisë që ta arrestojë edhe atë. Duke iu referuar rastit Sandulloviq, ai tha se shteti i tij, Serbia, i arreston njerëzit që duan të ndërtojnë paqen mes shqiptarëve dhe serbëve.