Ndërlidhjet

Kosova regjistron një viktimë dhe rreth 500 raste me COVID-19


Brenda njësisë së kujdesit intensiv në Klinikën për Sëmundje Infektive, në Prishtinë. 1 shtator 2021.
Brenda njësisë së kujdesit intensiv në Klinikën për Sëmundje Infektive, në Prishtinë. 1 shtator 2021.

Një person ka vdekur dhe 483 të tjerë janë infektuar me koronavirus, bëri të ditur më 18 gusht Ministria e Shëndetësisë së Kosovës.

Sipas njoftimit, rastet e reja dolën pas testimit të 1.598 mostrave, apo 30.22 për qind e testimeve rezultuan pozitivë për sëmundjen COVID-19.

Numri i infektimeve është më i ulët krahasuar me një ditë më parë, kur u regjistruan 783 raste.

Ministria e Shëndetësisë po ashtu njoftoi se në 24 orët paraprake janë shëruar edhe 1.196 persona. Ndërkaq, raste aktive janë 4.874.

Kosova po vazhdon vaksinimin kundër koronavirusit, pavarësisht se numri i personave që po vaksinohen në baza ditore është i ulët. Autoritetet shëndetësore bën të ditur se vetëm në 24 orët paraprake kanë administruar 45 vaksina kundër koronavirusit.

Në Kosovë të drejtë vaksinimi kanë të gjithë personat nga mosha 12-vjeçare. Nga mosha 18 e sipër, qytetarët mund të vaksinohen me tri doza të vaksinës, ndërkaq ata mbi 60 vjeç dhe personat më të ndjeshëm mund të imunizohen edhe me dozën e katërt.

Përdorimi i përmbajtjes sonë

⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.

Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.

XS
SM
MD
LG