Rifillon seanca
Deputetët e zgjedhur janë kthyer në sallë për ta vazhduar punën për konstituimin e legjislaturës së 11-të.
Ata e kanë votuar një raport të Komisionit të përkohshëm për verifikimin e kuorumit dhe të mandateve të deputetëve.
Qytetarët ndihen të "lodhur" nga zgjedhjet
Teksa presim rifillimin e seancës, sjellim mendimet e disa qytetarëve në kryeqytet, të cilët i thanë Radios Evropa e Lirë një ditë më parë se ndihet të lodhur nga zgjedhjet e njëpasnjëshme.
Disa qytetarë në Prishtinë ndajnë mendimet e tyre se kush mban përgjegjësinë për krizën institucionale e politike.
Formohet komisioni i përkohshëm, seanca në pushim të shkurtër
Deputetët e zgjedhur votuan ashtu siç pritej për ta formuar Komisionin e përkohshëm për verifikimin e kuorumit dhe të mandateve të deputetëve.
Kryesuesi i seancës, Avni Dehari, tha se komisioni do të mblidhen në një takim, ndërkohë që urdhëroi një pushim prej 30 minutash.
Fillon seanca
Seanca për konstituimin e Kuvendit të Kosovës ka filluar.
Ajo po kryesohet nga Avni Dehari, si deputeti më i moshuar, ashtu siç e kërkon procedura.
Tani deputetët duhet ta formojnë Komisionin e përkohshëm për verifikimin e kuorumit dhe të mandateve të deputetëve.