Drejtpërdrejt Thaçi dhe Krasniqi dënohen me nga 25 vjet burgim për krime lufte, Veseli me 18, Selimi me 13

16 shtator 2026 E përditësuar 4 minuta më herët

Valona Tela dhe
Mimoza Sadiku

Gjykata Speciale në Hagë i shpalli katër ish-krerët e UÇK-së fajtorë për katër akuza për krime lufte, ndërsa i liroi nga akuzat për krime kundër njerëzimit.

Hashim Thaçi dhe Jakup Krasniqi u dënuan me nga 25 vjet burgim, ndërsa Kadri Veseli me 18 dhe Rexhep Selimi me 13.

Aktgjykimi është i shkallës së parë dhe avokatët mbrojtës kanë paralajmëruar se do ta apelojnë atë.

Postim i ri

10:34

Trupi gjykues nis paraqitjen e konstatimeve

Pas përmbledhjes së procesit, kontekstit historik dhe roleve të katër të akuzuarve, gjykatësi Charles Smith ka nisur paraqitjen e konstatimeve të trupit gjykues.

Kjo pjesë e aktgjykimit përmban vlerësimet dhe përfundimet e gjykatës mbi provat dhe pretendimet e paraqitura gjatë procesit.

10:32

Smith flet për rolet e të akuzuarve gjatë luftës

Gjykatësi Charles Smith po paraqet tani të kaluarën dhe pozitat që Hashim Thaçi, Kadri Veseli, Rexhep Selimi dhe Jakup Krasniqi mbanin gjatë viteve 1998 dhe 1999.

Kjo pjesë e përmbledhjes trajton rolet dhe funksionet e tyre brenda UÇK-së gjatë periudhës që mbulohet nga aktakuza.

10:29

Smith kalon te konteksti historik i çështjes

Gjykatësi Charles Smith po trajton tani rrethanat historike që lidhen me aktakuzën ndaj Thaçit, Veselit, Selimit dhe Krasniqit.

Ai po përmbledh zhvillimet në Kosovë gjatë periudhës së përfshirë në aktakuzë dhe kontekstin në të cilin, sipas Prokurorisë, janë kryer krimet e pretenduara.

10:28

Smith: Gjykimi u zhvillua në atmosferë frikësimi të dëshmitarëve

Gjykatësi Charles Smith tha se gjykimi u zhvillua në një atmosferë frikësimi të dëshmitarëve.

Sipas tij, disa dëshmitarë u tërhoqën ose ndryshuan dëshmitë e tyre për shkak të shqetësimeve për sigurinë e tyre dhe të familjarëve.

Megjithatë, Smith tha se shumë dëshmitarë dhanë dëshmitë e tyre “me guxim dhe vendosmëri”.

Shfaq më shumë