Ndërlidhjet

Myftiu i Kosovës uron Kurban Bajramin, thërret për solidaritet


Myftiu i Bashkësisë Islame të Kosovës, Naim Tërnava.
Myftiu i Bashkësisë Islame të Kosovës, Naim Tërnava.

Myftiu i Bashkësisë Islame të Kosovës, Naim Tërnava, uroi besimtarët myslimanë në prag të Festës së Kurban Bajramit.

Ajo nis të shtunën dhe kremtohet katër ditë.

Në fjalën e tij, Tërnava tha se mesazhe të Festës së Kurban Bajramit janë: devotshmëria, barazia, sakrifica, flijimi e solidariteti.

“Festat fetare te ne, në vazhdimësi, kanë kultivuar begatitë shpirtërore para atyre materiale, urtësinë para euforisë, drejtësinë para zullumit, paqen para konfliktit e dhunës dhe solidaritetin e bamirësinë para koprracisë, ndaj, ne lutemi dhe urojmë që edhe ky Bajram të jetë në frymën e tillë”, tha myftiu Tërnava.

Ai tha se kjo festë, sivjet, është e një rëndësie të veçantë, pasi që pas dy vjetësh, besimtarëve myslimanë u është dhënë mundësia të udhëtojnë në Mekë të Arabisë Saudite për ritualin e Haxhit.

Nis haxhillëku i një milion myslimanëve
Ju lutem prisni

No media source currently available

0:00 0:01:15 0:00

Ky ritual, që njihet si shtyllë e Islamit, është zhvilluar me numër të vogël të pjesëmarrësve në dy vjetët e kaluar, për shkak të pandemisë COVID-19.

Festa e Kurban Bajramit pason atë të Fitër Bajramit, e cila shënohet rreth dy muaj më herët.

Dy Bajramet janë festat më të rëndësishme në besimin islam.

XS
SM
MD
LG