Ndërlidhjet

Alarm i rremë për bombë në Rektoratin e UP-së


Policia pranë Rektoratit të UP-së më 17 maj, kur u raportua për kërcënimin e parë me bombë.
Policia pranë Rektoratit të UP-së më 17 maj, kur u raportua për kërcënimin e parë me bombë.

Policia e Kosovës bëri të ditur se pas kontrolleve të kryera në hapësirën e Rektoratit të Universitetit të Prishtinës “Hasan Prishtina”, alarmi për mjete shpërthyese ka rezultuar të jetë i rremë.

Më herët gjatë ditës, Policia e Kosovës tha për Radion Evropa e Lirë se rreth orës 12:00 kanë pranuar informatën se dyshohet për shpërthime të mundshme në Rektoratin e UP-së.

“Informacionet e para flasin se kanosja e dyshimtë ka ardhur përmes postës elektronike”, thanë nga Policia e Kosovës.

Kjo është hera e dytë që Rektorati, përmes postës elektronike, kërcënohet për shpërthime.

Më 17 maj, policia tha se alarmi për bombë në Rektorat kishte qenë i rremë. Ndërkaq, më 18 maj, kërcënime të ngjashme, që dolën të rreme, ishin bërë edhe në shkollën e mesme “Xhevdet Doda” në Prishtinë.

Së fundmi, përveç në Kosovë, edhe në Serbi, Mal të Zi janë raportuar kërcënime të rreme për bomba në shkolla, konvikte, qendra tregtare, spitale etj.

Më shumë materiale

XS
SM
MD
LG