Britania njofton për dërgesa të reja të armëve në Ukrainë
Britania do të rrisë furnizimet e saj të sistemeve të armëve për Ukrainën “në përgjigje të veprimeve të mëtejmeve të agresionit nga Rusia”, tha Sekretari britanik i Mbrojtjes, Ben Wallace.
Deri më tani, Britania i ka dërguar Ukrainës 3,615 armë kundërtanke, dhe së shpejti do t’i dërgojë edhe një kontingjent të vogël me raketa kundërtanke Javelin, tha Wallace të mërkurën para ligjvënësve britanikë.
Wallace tha se dërgesa e re do të përfshirë 2,000 armë kundërtanke dhe municion, por shtoi se Britania do të vazhdojë të dërgojë në Ukrainë edhe furnizime të tjera.
“Së shpejti ne do të nisim dërgesën e një kontingjenti të vogël të raketave kundërtanke Javelin”, tha ai duke shtuar se të gjitha këto armë konsiderohen të jenë “sisteme mbrojtëse” dhe “janë të kalibruara që të mos e përshkallëzojnë situatën deri në një nivel strategjik”.
Britania po ashtu po e konsideron mundësinë që ta furnizojë Ukrainën ma raketa kundërajrore Starstreak, pasi Kievi ka bërë një kërkesë të tillë.
Raportohet se në të paktën një qytet është ndërprerë evakuimi i civilëve
Ukraina dhe Rusia janë pajtuar për një armëpushim12-orësh, me qëllim që civilët të largohen sot nga gjashtë qytete ukrainase.
Por, ka raportime që planet për evakuim janë ndaluar në të paktën një qytet..
Në Izium, në lindje të Harkivit, në zyrtar rajonal ka pretenduar se evakuimi i civilëve është “penguar nga granatimet ruse”.
Oleh Synehubov tha se shpërthimet në periferi nënkuptojnë që konvojet me civilë nuk mund të largohen.
“Autobusët janë ende duke pritur në hyrje të Iziumit”, tha Synehubov në një postim në rrjetet sociale, duke shtuar se po mbahen negociata me rusët, me ndërmjetësimin e Kryqit të Kuq.
Scholz: Nuk do të dërgojmë avionë luftarakë në Ukrainë
Gjermania nuk do të dërgojë avionë luftarakë në Ukrainë, tha kancelari gjerman, Olaf Scholz.
Ky koment erdhi pasi Shtetet e Bashkuara ka refuzuar ofertën e Polonisë që të transferojë avionët e saj të prodhimit rus, MiG-29 në bazën amerikane në Gjermani.
“Ne kemi ofruar të gjitha llojet e materialeve të mbrojtjes... kemi dërguar armë që u kemi treguar, por po ashtu është e vërtetë që ne e kemi shqyrtuar me kujdes se çfarë do të bëjmë, dhe definitivisht avionët luftarakë nuk janë pjesë e kësaj”, tha Scholz gjatë një konference për media të mërkurën, së bashku me kryeministrin kanadez, Justin Trudeau.
Këngë në vendstrehime: Muzika frymëzon Ukrainën e dërrmuar nga lufta
Këngëtarë dhe muzikantë, të rinj e të moshuar, janë incizuar duke luajtur, teksa përpiqeshin të ngrinin moralin e ukrainasve në vendstrehime për mbrojtje nga bombardimet, në metronë e Kievit, dhe në zona të tjera të rrezikuara nëpër vend, ndërsa lufta e Rusisë në Ukrainë po vazhdon.