Kryqi i Kuq Ndërkombëtar: Nuk ka ushqim për fëmijët në Mariupol
Sipas Komitetit Ndërkombëtar të Kryqit të Kuq, shumë njerëz në qytetin e rrethuar ukrainas të Mariupolit, tani kanë mbetur pa ushqim për fëmijët e tyre.
Ata thonë gjithashtu se nuk ka ujë apo ngrohje në qytetin ku më shumë se 400,000 njerëz janë nën rrethim nga forcat ruse për më shumë se një javë.
Ekipi i Komitetit Ndërkombëtar të Kryqit të Kuq në Mariupol thotë se njerëzit atje tani po luftojnë me njëri-tjetrin për ushqim, duke nxjerrë karburant nga makinat e njerëzve të tjerë.
Të gjitha dyqanet dhe farmacitë janë plaçkitur. Ata janë pa furnizim dhe gaz, derisa temperatura gjatë natës pritet të bjerë në -5 gradë Celsius.
Sipas Komitetit Ndërkombëtar të Kryqit të Kuq, shumë njerëz pritet të sëmuren.
Borrel: Evropa më e bashkuar se kurrë
Shefi i politikës së jashtme të BE-së, Josep Borrell, që po merr pjesë në samitin e Versajës u tha gazetarëve se Evropa është më e bashkuar se kurrë.
“Unë kurrë nuk i kam parë shtetet anëtare më të bashkuara dhe së bashku me partnerët tanë transatlantikë”, tha Borrell.
“Putini besonte se do ta pushtonte Ukrainën - ai dështoi. Ai besonte se do të na ndante - ai dështoi. Ai besonte se do të dobësonte aleancën transatlantike dhe ai dështoi. Tani ai duhet të ndalojë luftën”, tha Borrell.
Për më shumë lexoni këtu.
OKB: Materniteti i Mariupolit i treti që shkatërrohet në Ukrainë
Agjencia e shëndetit riprodhues të Kombeve të Bashkuara njoftoi të enjten se dy maternitete të tjera ukrainase janë sulmuar dhe shkatërruar para sulmit rus të së mërkurës në Mariupol.
Spitali në Mariupol nuk është “i vetmi” që u sulmua, tha Jaime Nadal, zyrtar në OKB.
“Materniteti në Zhytomyr u shkatërrua plotësisht. Në Saltivsky gjithashtu”, tha ai.
Zyrtari i OKB-së nuk specifikoi se kush i nisi sulmet në spitalet e tjera apo nëse kishte viktima.
“Ka 300 spitale dhe 69 maternitete në Ukrainë”, tha ai.
Sipas Nadal, në Ukrainë aktualisht janë rreth 240,000 gra shtatzëna, dhe mbi 4,300 gra kanë lindur tashmë në kohën midis pushtimit të Rusisë nga 24 shkurt deri më 7 mars.
Afër 120 milionë funte janë mbledhur për Ukrainën në Mbretërinë e Bashkuar
Një apel nga Komiteti i Emergjencës për Fatkeqësitë në Mbretërinë e Bashkuar, ka mbledhur 120 milionë funte për të ndihmuar mijëra ukrainas të prekur nga konflikti.
Këto mjete janë mbledhur në më pak së një javë.