Zgjidhet Qeveria e re e Kosovës

Kryeministër Albin Kurti

Zëvendëskryeministër i parë dhe ministër i Punëve të Jashtme dhe Diasporës, Glauk Konjufca

Zëvendëskryeministre e dytë dhe ministre e Drejtësisë, Donika Gërvalla

Zëvendëskryeministër i tretë për çështje të pakicave dhe bashkëpunim, Fikrim Damka

Ministër i Financave, Hekuran Murati

Ministër për Punë, Familje dhe Vlerat e Luftës Çlirimtare, Andin Hoti

Ministër i Mbrojtjes, Ejup Maqedonci

Ministër i Punëve të Brendshme, Xhelal Sveçla

Ministër i Digjitalizimit dhe Administratës Publike, Lulëzon Jagxhiu

Ministër i Shëndetësisë, Arben Vitia

Ministër i Arsimit dhe Shkencës, Hajrulla Çeku

Ministre e Kulturës dhe Turizmit, Saranda Bogujevci

Ministër i Sportit dhe Rinisë, Blerim Gashani

Ministër i Administrimit të Pushtetit Lokal, Elbert Krasniqi

Ministre e Mjedisit dhe Planifikimit Hapësinor, Fitore Pacolli

Ministër i Bujqësisë, Pylltarisë dhe Zhvillimit Rural, Armend Muja

Ministër i Infrastrukturës dhe Transportit, Dimal Basha

Ministre e Industrisë, Ndërmarrësisë, Tregtisë dhe Inovacionit, Mimoza Kusari

Ministre e Ekonomisë, Artane Rizvanolli

Ministër për Komunitete dhe Kthim, Nenad Rashiq

Ministër për Zhvillim Rajonal, Rasim Demiri

I mandatuari për kryeministër, Albin Kurti, gjatë ekspozesë së tij para deputetëve, premtoi edhe një investim prej 1 miliard eurosh në sektorin e mbrojtjes.

“Në katër vjetët e ardhshëm do t'i forcojmë aleancat, do të investojmë 1 miliard euro në mbrojtje, do të rekrutojmë ushtarë të rinj, do të shumëfishopjmë numrin e oficerëve, do ta funksionalizojmë fabrikën e municionit, do ta zhvillojmë industrinë ushtarake të Kosovës dhe do të prodhojmë dronët luftarakë Made in Kosova”, tha Kurti.

Mandatari për formimin e Qeverisë së re të Kosovës, Albin Kurti, prezantoi prioritetet kryesore të kabinetit të ardhshëm dhe zotimet për qytetarët.

Ai premtoi investime të mëdha në energji të ripërtërishme dhe burime ujore, si dhe zhvillimin e industrisë së prodhimit në Kosovë.

Theksoi rëndësinë e mbështetjes për punësimin e grave dhe kujdesin ndaj gjyshërve që ndihmojnë në rritjen e fëmijëve, ndërsa paga minimale tha se do të rritet në përputhje me zhvillimin ekonomik.

Në fushën e arsimit, Qeveria e re do të vazhdojë reformat dhe do të lidhë programet arsimore me nevojat e tregut, tha ai.

Planifikohet të rritet edhe mbështetja për edukimin e hershëm dhe të nisë sistemi i bonove për prindërit që regjistrojnë fëmijët në çerdhe jopublike.

Po ashtu, do të hapen pesë gjimnaze të specializuara në të gjithë vendin.

Në shëndetësi, çdo qytetar do të ketë mjek familjar dhe një kontroll vjetor mjekësor brenda vitit, tha Kurti.

Do të ndërtohen spitale të reja në Mitrovicë dhe Ferizaj, ndërsa buxheti për listën esenciale të barnave do të rritet në 100 milionë euro.

Kurti premtoi gjithashtu mbështetje për bujqit, duke garantuar treg për çdo prodhim të standardizuar dhe të certifikuar.

Ai premtoi investime edhe në infrastrukturën sportive, duke përfshirë renovimin e stadiumeve të futbollit në të gjithë vendin.

Mandatari për formimin e Qeverisë së re, Albin Kurti, bëri një bilanc të mandatit të kaluar gjatë fjalimit të tij përpara deputetëve.

Ai theksoi se gjatë këtyre viteve Kosova ka përparuar në ekonomi, ka forcuar bizneset dhe ka rritur mirëqenien sociale, përfshirë rritjen e pagave dhe shtesave për fëmijë.

"Ne besojmë thellësisht se një ekomomi e fuqishme dhe një shoqëri e barabartë janë të ndërlidhura", tha ai.

Kurti vlerësoi se Kosova sot është më demokratike dhe më e sigurt dhe se institucionet e saj janë më të qëndrueshme se kurrë më parë.

Bashkëpunimi me aleatët ndërkombëtarë, përfshirë SHBA-në dhe NATO-n, tha se mbetet i palëkundur.