KQZ: Pjesëmarrja në zgjedhje nën 40%
Komisioni Qendror i Zgjedhjeve njoftoi në ueb-faqen e tij se, pas procesimit të mbi 88 për qind të votave, pjesëmarrja në zgjedhje ka qenë 39.16 për qind.
Për krahasim, në zgjedhjet e vitit 2021, pjesëmarrja ka qenë 48.78%.
KQZ-ja, së shpejti, pritet të dalë edhe në konferencë për media.
Pjesëmarrja në votime kalon 40%
Derisa vazhdon procesimi i votave nga Komisioni Qendror i Zgjedhjeve, është duke u rritur lehtë edhe pjesëmarrja në votime.
Më herët raportuam për pjesëmarrje nën 40 për qind, por pas procesimit të 90.68% të votave, ajo ka kaluar 40%.
REL-i me emision special
Ndiqeni emisionin special të REL-it për t'u informuar në kohë reale:
KQZ: Proces i rregullt zgjedhor
Procesi i votimit në zgjedhjet për Kuvendin e Kosovës është përmbyllur në kohë dhe sipas ligjit, tha zëdhënësi i KQZ-së, Valmir Elezi.
Pas procesimit të më shumë se 90 për qind të votave, ai tha se pjesëmarrja në votime ka qenë 40.04 për qind.