Ndërlidhjet

Një i vdekur dhe shtatë raste të reja me COVID-19 në Kosovë


Një punëtor shëndetësor pastron dorezat, para se të kryejë një test me metodën PCR. Fotografi nga arkivi.

Autoritetet shëndetësore në Kosovë kanë njoftuar të hënën (4 tetor) se është regjistruar edhe një viktimë nga koronavirusi i ri, që e shkakton sëmundjen COVID-19.

Numri i përgjithshëm i viktimave në Kosovë ka arritur në 2.962.

Gjatë 24 orëve të kaluara janë shënuar edhe shtatë raste të reja të të infektuarve.

Shifra bazohet në 1.515 mostra të testuara në laboratorët publikë dhe privatë.

Mjekët kanë konstatuar se nga sëmundja janë shëruar edhe 199 pacientë ndërsa raste aktive me infeksion janë 2.044.

Që nga fillimi i pandemisë, në mars të vitit 2020, në Kosovë janë regjistruar mbi 160.000 raste të të infektuarve.

Shifra bazohet vetëm në të dhënat zyrtare të Institutit Kombëtar të Shëndetësisë Publike.

Ministria e Shëndetësisë njoftoi se deri të hënën, mbi 567.000 qytetarë janë vaksinuar me dozën e dytë të vaksinës kundër COVID-19.

XS
SM
MD
LG