Është varrosur në Moskëi ish-lideri sovjetik, Mikhail Gorbachev, i njohur për hapjen e Bashkimit Sovjetik dhe për afrimin e tij me Perëndimin.
Paraprakisht mijëra qytetarë rusë i bënë homazhe pranë arkivolit të tij.
Gorbachev, i cili vdiq të martën në moshën 91-vjeçare, u varros pa nderime shtetërore dhe pa praninë e presidentit rus, Vladimir Putin.
Megjithatë, autoritetet lejuan që arkivoli i Gorbachevit të qëndrojë në Sallën e Kolonave, aty ku iu dha lamtumira edhe ish-liderëve të mëparshëm sovjetik, në mënyrë që rusët të mund t'i japnin lamtumirën e fundit.
Në ceremoninë e varrimit morën pjesë Dmitry Medvedev, ish president i Rusisë, kryeministri i Hungarisë, Viktor Orban dhe ambasadorë të SHBA-së, Britanisë së Madhe, Gjermanisë dhe ambasadorë tjerë perëndimorë.
Gorbachev do u varros në varrezat Novodevichy të Moskës - ku gjenden varret e shumë rusëve të shquar - pranë gruas së tij, Raisa, e cila vdiq në vitin 1999, raporton agjencia e lajmeve Tass.
Në Perëndim, Gorbachev u njoh si arkitekt i reformave, që më pas krijuan kushte për përfundimin e Luftës së Ftohtë.
Por, shumë njerëz brenda Rusisë, politikat e tij i shohin si të gabuara.
Presidenti rus, Vladimir Putin, e cilëson rënien e Bashkimit Sovjetik si "katastrofën më të madhe gjeopolitike të shekullit".
Megjithatë, ai shprehu ngushëllimet e tij më të thella për vdekjen e u Gorbachevit, tha një zëdhënës i Kremlinit për agjencinë e lajmeve Interfax.
Disa zyrtarë rusë dhe figura kulturore, duke përfshirë ligjvënësin e lartë, Konstantin Kosachyov dhe këngëtaren, Alla Pugachyova, gjithashtu i bënë nderimet familjes së Gorbachev. Vajza Irina dhe dy mbesat e tij, qëndruan të ulura majtas arkivolit të hapur.
Gorbachev më 1985 mori udhëheqjen e Bashkimit Sivjetik dhe ishte i njohur për afrimin e tij me Perëndimin.
Ai ishte bërë sekretar i përgjithshëm i Partisë Komuniste Sovjetike dhe de fakto lider i vendit në moshën 54-vjeçare.
